روايـــة الحـيـاة الـزوجيــة – الجزء التاسع عشر

قالت لي انا بحكي ليك الحاصل كلو مع انو دي حاجات مرت عليها سنين بس عشان ما تشوه صورة ابوك انا بوريك الحاصل .. امو قالت لي محمد دا اصلا من مدني ساكن مارنجان زمان كنا مخطوبين لي بعض كان علاقتنا كانت حلوه شديد واي زول يقول لي عرفتي تختاري صاح كنت شايفاهو الزوج المناسب والسند و راجل ما شايفه غيرو جاء اتقدم لي من ابوي ووافق عليهو كان باقي للعرس شهر انا كنت في السنه الاخيره في الجامعه بس انا مرضته مرض شديد كنت راقده في المستشفي حالتي ادهورت حتى الدكاتره عجزو من علاجي دي اللحظه الكنت محتاجه لي فيها بس للاسف ما لقيتو جاء يوم واحد المستشفي سأل الدكاتره كلمو بي حالي انهم ما عندهم لي علاج يا ريت لو كان جمبي في لحظتها كان هون علي حاجات كتيره وانا في فراش المرض كنت بسأل منو افتكرتو ما عارف اني عيانه قلت اتصل اكلمو بس انصدمته بي انو كلم قريبتو قال ليها وصلي ليها الكلام دا انو نحنا ما مناسبين لي بعض وانا بقيت غير مرغوب فيني 💔 علي المرض العندي زدته زياده دخلت في نفسيات وحاله ما يعلم بيها الا ربنا كنت راقده سنه

كامله في المستشفي وبعدها لما عجزو من علاجي طلعوني مشيت عملو لي رقيه شرعيه قرايه قرآن والحمد لله بقيت كويسه ومنها تاني ما حصل لي شي لما سمع بي اتعافيت وبقيت كويسه جاني راجع ندمان وقعد يبرر لي بي اعزار واهيه نزلت منو دمعتين بس دموع التماسيح ظاهره ابيت اديهو اي فرصه حاول بي كل الطرق بس انا ابيت البتخلي عنك في ظروف زي دي عادي ممكن يبيعك في اي وقت انا لما احتجت ليهو ما لقيتو خلاني في اصعب مرحله كنت محتاجه ليهو فيها 💔 منها سافر مشي كسلا ومن يومها ما كان عندي منو خبر دا كل الحاصل يا ولدي مؤيد قال ليها بس دا ما سبب بخلي يرفضني بيهو طيب انا زنبي شنو في حاجه كانت بيناتكم زمان ؟ طيب خليني انا نسمه زنبها شنو يكسر خاطرها ويحرمنا نحنا الاتنين اننا نكون مع بعض في بيت واحد قالت لي والله انا عن نفسي ما عندي مشكله والبت تستاهل اكتر من كدا انا عاداها زي بناتي واحد بس الحاجه المتأكده

منها انو ابوها ما ح يعرسها ليك مؤيد قال ليها انا البت دي ما بخليها وبحارب عشانها لي اخر نفس طالع مني حتي لو وقفت قصادي الدنيا كلها انا ما بتنازل ولا متراجع منها واليحصل يحصل ما هاميني شي امو قالت لي اعمل البتشوفو صاح وانا معاك في اي قرار تاخدو .. مؤيد بقي متواصل مع نسمه وحكي ليها كل الكلام القالتو لي امو وقال ليها انا ما بخليك لي غيري انا بحبك وانتي بتحبيني قالت لي طيب ابوي نعمل معاهو شنو وح تتزوجني كيف ح تخطفني مثلا ؟ قال ليها لو الخطف حل ما كان انتظرت لي هسي بس لازم نفكر بي عقلنا قبل اي حاجه .. مرت زي تلاته شهور كدا ولسه هم متواصلين بس ما ولصو لي حل وابوها الفي راسو في راسو ما متراجع منو اليوم داك اتصلت نسمه بي مؤيد قالت لي الحقني ابوي جاب لي عريس وقال لي تعرسي غصبآ عنك .. 😭😭😭😭😭