روايـــة الحـيـاة الـزوجيــة – الجزء الاخير
حاج محمد قال لي بتقصد شنو مؤيد قال لي يعني بتك لا حامل ولا اي حاجه بس لو ما عملت ليك كدا ما كانت بقت من نصيبي 😁😊 ناس ما بتجي الا بالعين الحمراء .. 😒 محمد بقي واقف مندهش ومجاهد ميت من الضحك 😁 حاج محمد قال الولد دا ركبني الظوط ولعب بي ياخي العملو دا ابليس ما عملو 😂😂 معقوله يلعب بي بالساهل كدا مؤيد قال لي عايز امش ابارك لي مرتي ❤ حاج محمد قال لي مرت منو انا ما عندي بنات للزواج 😬 مؤيد ماسك القسيمه في يدو قال لي شرعآ وقانونآ نسمه بقت مرتي ومن هنا ولي قدام ما عندك معاها كلام ولا عندك عليها صلطه بقت في عصمه راجل بعرف اصونها ويقدرها ويحترمها وهندي الفاتوره معاي البتثبت لي الملكيه 😂😂 .. طبعا للان نسمه مفتكره انو عقدو ليها علي العريس الجايبو ليها ابوها 😁 مؤيد قال لي ابوها امشي ناديها لي خليني اسلم عليها وابارك ليها حاج محمد بقي محاط من كل الاتجاهات ما عندو اي طريقه مشي لي نسمه قال ليها عريسك جاي يسلم عليك ويبارك ليك لقاها بتبكي قالت لي ما عايزه اقايل زول ولو حصلت اني انتحر ح انتحر عشان ترتاحو مني نهائي قبل ما تتم كلامها جاء خاشي مؤيد قال ليها مبروك يا عروسه 💜😍 قالت لي مؤيد 😳 جاي تشمت فيني ولا عايز تخلص الباقي من عمري طبعا مؤيد كان مبتسم قالت لي معقوله هنت عليك للدرجه دي وبعتني بالساهل كدا 😨😭 زح من وشي انا انتهيت حياتي اتدمرت دا كلو وهو واقف بتأمل فيها وفي جمالها 😍 قال ليها علي فكره انتي بقيتي احلي بي كتير من ما شفتك معقوله انا طولت منك كدا ياخي انتي ملاك نازل من السماء قرب منها مشت منو قالت لي ما تقرب علي والكلام الانت بتقول فيهو دا ح يعمل ليك مشاكل انا خايفه عليك راجلي لو جاء خاشي ما معروف يعمل معاك شنو اطلع يا مؤيد الله يرضي عليك اطلع 😭 وعندك قلب للدرجه دي معناها انت ما حبيتني من اساسو 😭 قال ليها ممكن تهدي
وتسمعيني قالت لي ما عايزه اسمع منك حاجه اطلع برا خليني في حالي قال ليها انا حبيتك ولسه بحبك وحبي ليك الليله اضعاف من ما كنت بحبك يعني تفتكري انا منتظرك سنين ح اتخلي عنك بالسهوله دي قالت لي ما فاهمه حاجه قال ليها بعد نكون في بيتنا انا وانتي ح تفهمي جاء ضماها عليهو ( طبعا كانو براهم 😂 ) قالت لي انت جنيت بتعمل في شنو قال ليها ايوه جنيت وعندي شهاده بتثبت لي اني مجنون بيك ومن الشهاده دي مافي زول ح يسألني عملت كدا لي قالت لي قصدك شنو وشهاده شنو قام وراها القسيمه انها بقت زوجتو وحلالو 😍😍💜 نسمه بقت بتعاين في القسيمه وبتعاين لي مؤيد ومؤيد بضحك وهي ما مصدقه بقت منططه عيونها قرت القسيمه عشره مرات بتلقي انها مرت مؤيد ولسه ما مصدقه 😍😁 قام جاء مسكها من يديها لقي يديها تلج 😂 همس ليها براحه في اضانها قال ليها بحبك قامت جات امها داخلا تزغرد مؤيد فكاها سريع 😂😂😂😂 بي قلبو قال ليها دا وقت تجي فيهو جات قالت ليها مبروك يا بتي ربنا يسعدكم يا رب .. نسمه بتعاين فيهم الاتنين بي أندهاش واستغراب امها قامت حكت ليها العملو مؤيد مع ابوها عشان يتزوجها وتكون شريكة حياتو قالت لي والله انت مجنون دي عملتها كيف قال ليها بعد تمشي بيتك ح تشوفي الجن الحقيقي عارفه لي .. ؟ قالت لي اها لي قال ليها لاني مجنون بيك وبحبك وبموت فيك باسها في راسها وقال ليها الله يخليك لي عندك شهر مع امك اشبعي منها وبعدها بجي اسوقك مؤيد طلع مشي هو ومجاهد رجعو مدني كلم امو واخواتو انو عقد علي نسمه طبعا كلهم طارو من الفرحه وكانو مبسوطين ليهو شديد .. الشهر عدا ومؤيد جاء ساق نسمه وعاشو احلي ايام في حياتهم كانو مبسوطين شديد وهم مع بعض وحبهم لي بعض كل يوم زايد .. ام مؤيد كانت بتعامل نسمه احلي معامله كانت بتعتبرها واحده من بناتها وما بترضي زول يزعلها .. وابو نسمه اتفهم الوضع وبعد فهم مؤيد وشاف الفرحه في عيون نسمه غير رايو واعتبرو واحد من اولادو وبقي يجيهم كتير في البيت لمن ام نسمه خافت انو يتزوج ام مؤيد 😂😂 ما حصل نسمه نامت زعلانه من مؤيد وما حصل مؤيد نام زعلان من نسمه و كان دايما بهاظرها و بحب يشغلها ليها كتير وعاشو احلي ايام في عمرهم مع بعض .. 💜🤍🤚
( الحياة__الزوجية حب و احترام و تفاهم بين الطرفين ما تجبرو اولادكم او بناتكم علي واحد هم شايفنو غير الطريقه الانتو شايفنو بيها خلي اي واحد يحدد انو يعيش مع منو او يعيش كيف دمتم في امان الله وحفظه )
