نايم في سابع نومه جات امو صحتو قالت لي قوم يا ولد انت ناسي انك الليله ماش كسلا وعارف المشوار بعيد ولازم تقوم بدري .. صحي مخلوع قال ليها صباح الخير يا حجه الساعه كم .. قالت لي الساعه 8 قال ليها طيب لي ما صحيتيني من الصبح قالت لي انت جيت امبارح تعبان قلت اخليك تاخد راحتك بس لقيتك ما قمت قلت اجي اصحيك قام سرعه خشه الحمام استحمي وغير ملابسو وجاء لقي امو مجهزه لي الشاي وعامله معاهو كيكه شرب الشاي وسلم علي امو في راسها ويديها ودعها وطلع .. ( الروايه دي بتحكي عن واحد اسمو مؤيد ساكنين مدني ابوهو متوفي من قبل فتره عندو اختين اصغر منو موده وميعاد موده متزجه وعندها طفلين اما ميعاد لسه بتقراء في الجامعه ابوهو كان شغال عندو معرض بتاع اساسات في مدني وعندو فرع في كسلا .. مؤيد دور العربيه وطلع ماشي كسلا دي طبعا كانت اول زياره ليهو كسلا ما حصل مشي قبل كدا المهم هو ماشي في الطريق امو كانت متابعه معاهو بالتلفون في كل دقيقه بتتصل عليهو تطمن عليهو بعد ما خشه كسلا العربيه ظهر فيها صوت غريب كدا وقف عايز يعرف الحاصل فيها شنو فتح البودي لقاها عامله دخان ومسخنه شديد بقي محتار وما عارف يتصرف كيف خصوصا ما بعرف زول من كسلا الا الزول الماسك ليهم الفرع بتاع المعرض بقي واقف جمب العربيه ومحتار تاني قال كدي اخد لي جوله شويه امكن ربنا يدلني علي مكنيكي قريب بقي ماشي قام وقف لي واحد في الشارع قال ليو لو سمحت ياخ مافي مكنيكي قريب من هنا قال ليهو حاج محمد قريب من هنا مؤيد قال ليهو حاج محمد منو قال لي انت شكلك جديد هنا حاج محمد دا اكبر مكنيكي في السوق واي زول بعرفو انت عربيتك وين مؤيد قال ليهو قريبه من هنا الولد قال لي انا بمشي معاك اوصلك ليهو كدي ارح علي العربيه قام وقف لي بتاع بكس بعرفو قال ليهو الشاب دا عربيتو متعطلا ارح معانا نجرها نوديها لي حاج محمد بتاع البكس بكل اريحيه قال ليهم جدا ارح ياخي الناس ديل طيبين وحلوين شديد خلاص المهم مشو جرو العربيه ودوها لي حاج محمد قام هبش العربيه قال ليهو والله حصلت فيها مشكله كبيره في
المكنه او تقريبا شبه سيحت بس ما تشيل هم ح تتصلح بس عايزه ليها كم يوم كدا انت امشي وتعال لينا بعد يومين مؤيد بقي واقف وساكت قام حاج محمد بقي يعاين لي مؤيد وعرفو انو غريب ما من كسلا قال ليهو انت من وين مؤيد قال ليو انا من مدني قام حكي لي الحاصل كلو قال ليهو خلاص انا بمشي المعرض بأجر عربيه بعد تخلص عربيتي بس حاج محمد حلف عليهو الا يمشي معاهو البيت وفتره العربيه في الصيانه يكون قاعد معاهو في بيتهم المهم مؤيد اقتنع انو ينزل معاهو في البيت قامو طلعو اخر اليوم مشو البيت حاج محمد رنا ليهم جرس الباب قامت جات فتحت ليهم بت مؤيد بقي واقف في محلو متنح بعاين ليها …
يتبع ..
