البت بقت متنحه بتعاين فيهو وهو بعاين ليها قال ليها انتي 😳😳😳😳😳😳😳😳😲 قامت طلعت بقت جاريه مؤيد بقي جاري وراها قام جو مسكو حرس المستشفي وهو بناتل فيهم وبنادي عليها البت لحظات اختفت الحراس بقو ماسكين مؤيد واتصلو بالشرطه قدر ما حاول يفهمهم انو البت دي بعرفها وما قصدو شي ابو يقتنعو افتكرو مجنون وعايز يتحرش بيها الشرطه جات ساقت مؤيد دخلو الحراسه علي اساس انو متحرش مؤيد بقي قاعد في الحراسه ومافي زول شغال بي تاني يوم الصباح البت جات المستشفي سالتهم من الحصل امبارح والولد مشي وين جاتها الممرضه قالت ليها ياتو ولد المجنون الكان عايز يتحرش بيك امبارح دا قالت ليها مجنون ؟ وعايز يتحرش بي يا بت انتي المجنونه وريني الحصل شنو قالت ليها ساقتو الشرطه من امبارح قالت ليها انتي جاده كيف تخلو يسوقو ودا منو البلغ عنو عمل شنو عشان يتسجن الممرضه قالت ليها والله يا دكتوره كل البعرفو كان جاري وراك ومسكو الحرس بتاع المستشفي بس البلغ منو ما عارفه قالت ليها طيب زحي من وشي مشت للحرس شاكلتهم قالت ليهم القال ليكم بلغو عنو منو انتو بتتصرفو من رايكم انا لي حساب معاكم بعدين 😬 طلعت مشت القسم سلمو عليها ورحبو بيها قالت ليهم انا جايه بي خصوص الولد الامبارح مسكتو في المستشفي قالو ليها كدي احكي لينا الحصل معاك الشهود كلهم شهدو انو كان جاري وراك وعايز يتحرش بيك دا غير
المشكله العملها في المستشفي قالت ليهم معليش الكلام دا كلو غلط مافي حاجه من دي حصلت دا كان سوء تفاهم بيني وبينو اتناغشت معاهو في موضوع وزعلت منو طلعت جاريه وهو كان جاري وراي عايز يعتزر لي بس انا ما اديتو فرصه والحرس افتكرو متحرش بي بس الموضوع غير كدا قالو ليها انتي يعني بتعرفي سكتت مسافه كدا ودنقرت راسها المتحري تاني سألها يا دكتوره انتي بتعرفي قالت ليهو انا ما بتهمو بي اي حاجه قال ليها طيب الممرضه شهدت انو اساء ليها وسمعها كلام فارغ قالت ليهم الممرضه اصلا غلطانه الولد دا جاء عندو قريبو عامل حادث وراقد عندنا في المستشفي والممرضه اتناقشت معاهو وكان برد عليها علي حسب كلامها بس هو ما عندو زنب عشان يتحبس المتحري بعاين في عيونها لقاها حابسه دموعها قال ليها علي العموم ما تخافي اصلا نحنا ما فتحنا بلاغ لسه وطالا ما انو ما عمل حاجه من التهم المنسوبه لي ممكن يطلع عادي وتسوقي معاك هسي قالت لي يا ريت تطلعو لانو ما عمل حاجه وقريبو في المستشفي محتاج ليهو لانو ما عندو غيرو قام نادي علي عسكري قال لي طلع الولد بتاع المستشفي من الحراسه خلي يجي يرجع مع الدكتوره .. الدكتوره نططت عيونها ووقفت علي حيلها قالت ليهم عن اذنكم انا بمشي المتحري قال ليها هندا طالع خلي يمشي معاك الدكتوره قالت لي معليش انا مستعجله طلعت سريع ركبت العربيه ومشت .. و مؤيد طلع وما فاهم حاجه العسكري قال لي ممكن تمشي بعد كدا استغرب وبقي واقف في مكانو زول يكون متهم بالتحرش ويطلع بالسهوله دي العسكري قال لي مالك يا زول انا بتكلم
معاك امشي قام سأل العسكري قال لي معليش بس عايز اعرف الحصل شنو الخلاني اطلع من غير حكم العسكري قال لي لا ما خلاص الدكتوره الكانو مفتكرين انك عايز تتحرش بيها جات هنا وانفت انو ما كان في تحرش وقالت دا كان سوء تفاهم بس ما اكتر يلا اتخارج قبل ما نغير راينا 😒 مؤيد طلع سريع رجع علي المستشفي طبعا الحرس ضربو لي تعظيم سلام في الباب 😁 بقي بعاين فيهم ومستغرب معقوله ديل الكانو ماسكني امبارح 😳 الحصل شنو لي دا كلو عرف انو الموضوع اكبر من كدا مشي دخل لي مجاهد لقي صاحي سلم عليهو وحمدل لي السلامه مجاهد قال لي ياخ متصلين عليك من امبارح تجيني هسي مؤيد قال لي معليش امسحها لي في وشي طبعا ابي يوري الحصل معاهو جاهم خاشي الدكتور كتب لي علي خروج قال لي ممكن تطلع كدا اطمنا عليك فحوصاتك طلعت نضيفه والكسر دا فتره زمن وح ترجع ..
