روايـــة الحـيـاة الـزوجيــة – الجزء الرابع عشر
ممكن تهدي وتخليني اتفاهم معاك اعتبريني عيان جاي اتعالج عندك بعيد عن كل حاجه .. نسمه بقت تعاين فيهو ودموعها بدت تنزل قالت لي طيب ممكن تفهمني انت جاي وراي لي مع العملتو زمان قال ليها انتي ما فاهمه حاجه بس ممكن تديني فرصه اشرح ليك قالت لي تشرح لي هنا قال ليها لازم نقعد في محل نتكلم برانا انتي بتطلعي من المستشفي الساعه كم قالت لي تلاته قال ليها خلاص تمام نتلاقي بعد المغرب وصف ليها محل كدا قال ليها بنتظرك فيهو .. بعد المغرب .. نسمه طلعت مشت لقتو قاعد سلمت علي وبقو قاعدين سواء قالت لي عايز تقول لي شنو قال ليها كنتي وين طول الفتره الفاتت دي قالت لي انا ولا انت يا مؤيد انت كسرت بي خاطري انا كتبت ليك رساله في ورقه ومتأكده انك قريتها لي ما اتصلت علي انا كنت ما بنوم الليل وكل ما تلفوني يضرب بقول دا انت لي ما جيتني راجع انت اتخليت عني في اكتر وقت كنت محتاجه ليك فيهو 😭😭
قال ليها قبل قال ليها قبل ما تحكمي علي اعرفي الحصل علي شنو يا نسمه انا طلعت منكم سافرت حصل لي حادث قريب من القضارف وما وعيت الا تاني يوم وانا طريح الفراش في المستشفي حتي الناس الودوني المستشفي ما بعرفهم ولا شفتهم تلفوني ما لقيتو بعد الحادث انا في المستشفي صورتك ما كانت بتفارق خيالي كنت طول اليوم بالي مشغول بيك اختفت اي حاجه حلوه في حياتي يا نسمه انا قبيل ما كنت بعرف حاجه اسمها حب و بنات انا لما شفتك .. شفت فيك عالم جميل شفت فيك براءه ما شفتها قبل كدا في زول حسيت كأني طفل مولود ما بعرف غير امو اول مره اشوفك فيهو حسيت نفسي كأني بعرفك لي سنين بقيت برجع في شريط حياتي حسيت انو ما عربيتي اتعطلت كان دا قدر يجمعني بيك انا بقدر الايام الكنت فيها معاكم في البيت كنت عايش احساس وشعور ما عشتو قبل اليوم ❤ مع انو ما شفتك فيها غير مره واحده بس اترسمت ملامحك في قلبي صورتك كانت ما بتفارق خيالي لحظه حتى صاحبي الوحيد الكان محجوز عندكم في المستشفي لاحظ اني متغير بعد فراقك لاحظ اني انا واحد ما بعرفو قبل كدا مع انو كنت كتاب مفتوح انا ما عارف الحادث الحصل لي مجاهد دا قدر يجمعني بيك تاني ولا حاجه اختارها ربنا عشان اشوفك 💔
نسمه عيونها مليانه دموع قالت لي طيب انا لما اتصلت بيك لي اتغابيت فيني المعرفه .. قال ليها رقمك ما كان معاي وعلي فكره انا طلعت رقمي القديم عشانك لاني كان عندي احساس قوي انك تتصلي بي وبعد ما انتي قفلتي رجعت في الرقم وانتي ابيتي تردي لي وبعدها قفلتي تلفونك وللان مقفول 😭 يا نسمه هسي بالجواي انا بحبك وما حبيت غيرك ولا قبلك وحتى لو ربنا ما كاتب لينا نصيب نكون مع بعض بعيش علي زكراك لانو ما خليتي مجال لي غيرك ..
