روايـــة الحـيـاة الـزوجيــة – الجزء السابع

انا عارفك انت لا ماش للشغل ولا حاجه ولو جادي ماش للشغل سوقني معاك مؤيد دفرو ساق العربيه وطلع .. مؤيد اليوم البعديهو سافر كسلا اصلا ما كان في حاجه بتوديهو الشغل كان ماش تمام ومتابع معاهم اول بي اول بس عايز يشوف حبيبة القلب نسمه 😂 المهم وصل زي الساعه 11 صباحا كدا مشي علي ورشه حاج محمد علي اساس انو يسلم عليهو وكدا 😁 بس للاسف لقي الورشه مقفوله وما فيها زول 😞 بقي واقف ويعاين ويسأل في نفسو يا ربي الحصل شنو لقي لي واحد قاعد بعيد كدا قام مشي عليهو سألو قال ليهو حاج محمد بتاع الورشه دا مشي وين ولي الليله ما فاتح قال ليهو بتاع الورشه دا نقل شغلو محل تاني بس وين الله اعلم مؤيد بقي واقف ومحتار الولد قال ليهو بس لو عندك مشكله في العربيه انا بوديك لي واحد تاني معلم قديم مؤيد قال ليهو شكرا ليك بس كنت عايزو في موضوع تاني شكر الولد ودور العربيه فات المعرض سلم علي العمال الهناك

وبقي قاعد معاهم طبعا كلهم استغربو من جيتو حاجه غريبه يجي فجاءه كدا من غير حتي ما يقول ليهم جاي .. قاعد معاهم وسرحان يمشي وين وكيف يقدر يلاقيها كان املو الوحيد حاج محمد علي اساس انو يعزمو يمشي معاهو البيت دا بس كلو عشان يسرق لي نظره من حبيبة القلب 😍 طبعا البت دي حباها حب لي درجه بعيده خلاص والبحب بمش ورا قلبو ومؤيد سايقو قلبو قبل عقلو .. 💔 فكر انو يمشي يقيف قريب من بيتهم من بعيد علي امل انها تطلع من البيت ويلقي لي فرصه انو يتكلم معاها او حتي ان شاء الله يشوفها بس بقي يومي بمش قريب من بيتهم بجنب في طرف الشارع وعينو بتكون علي البيت .. مرت تلاته ايام علي الحال دا كل يوم يجي يقيف ويرجع اخر اليوم وفي الفتره دي ما كان في زول بطلع من البيت اليوم داك كان واقف بعاين ومنتظر قام جاء دفار شايل عفش بيت وبقي ينزل قام مشي سلم عليهم قال ليهم معليش بس دا موش بيت حاج محمد ولا انا غلطان في العنوان قالو ليهو والله نحنا ما بنعرفو بيت منو بس الزول الراكب قدام داك دا ياهو المأجر البيت دا قال ليهم مأجرو😳🤔 كيف الكلام دا ..

ودا بيت منو اصلا قام مشي سلم علي الراكب قدام قال ليهو معليش بس علي السؤال البيت دا مش كان فيهو واحد عندو ورشه في السوق اسمو محمد الزول قال ليهو اي بس حاج محمد دا رحل من هنا وانا اجرت منو البيت مؤيد قال ليهو رحل 😳 متين الكلام دا ورحل مشي ياتو حي في كسلا الولد قال ليهو الزول دا رحل الخرطوم وانا اجرت منو البيت مؤيد قال ليهو الخرطوم عديل 😥 وانا قاطع المشوار دا كلو 😥 الولد قال ليهو انت عايز منو حاجه ؟ مؤيد قال ليهو شكرا ليك وطلع طوالي من محلو رجع مدني ..