​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏روايـــة الحـيـاة الـزوجيــة – الجزء السادس

لما الموضوع طال يوم كدا نسمه اتشجعت وقالت ابادر انا واشوف ردة فعلو ح تكون شنو .. نسمه اتشجعت قالت تتصل قامت اتصلت في رقمو ردا عليها بس هي ابت تتكلم مؤيد بتكم الو بس مافي رد قام قفل الخط قال احتمال من الشبكه ( طبعا مؤيد ما عرف الرقم ) رجع ليها فيهو بس نفس الفهم بتفتح الخط ومافي زول بتكلم قامت قفلت الخط هنا نسمه ختت في راسها انو ما عندو ليها حاجه والفتره الفاتت دي كانت مجرد اعجاب منو ما اكتر 💔 قالت من كلامو شكلو رقمي ما عندو ولو بحبني كان احتفظ بي الرقم وكان اتواصل معاي 😞 انا احسن اشيل الفكره من راسي نهائي بس انا كل ما يجي اسمو بتعب 😥 معقوله انا اتعلقت بي للدرجه دي ياخ دا حتي انا وهو ما اتكلمنا الحاجه الخلتني اتعلق بيهو كدا شنو 🤔 امكن تكون دي اوهام مني ساي بس كانت نظراتو لي كلها وراها كلام كتير عايز يقولو طيب معقوله يكون الورقه الكتبتها ليهو دي ما قراها 🤔 اصلا ح يكون قراها بس

لو كان بحبني او حتي معجب بي ساي كان اتصل 💔 احسن حاجه انا اعاين لي نفسي وما اشغل بالي كتير دا شكلو طريق ما ليهو اخر .. عدا زي شهر من الكلام دا وما فيهم زول قادر يصل للتاني مؤيد ما عندو منها وسيله توصلو ليها ونسمه ضاغطه علي قلبها وفاهمه انو هو الماعايزه او ما عايز يتواصل معاها وبالرغم من ذالك نسمه كانت كل يوم بتفكر فيهو وبالها مشغول شديد بيهو البت دي من اول نظره حبتو حب مبالغ وهو زاتو حباها لي درجه كبيره كان كل يوم بطلع الورقه من جيبو وبقراها كم مره دي كانت الذكري الحلوه الوحيده الموجوده عندو بقي مشغول بيها علي طول وعقلو وكيانو كلو معاها .. عدت الايام ومؤيد قرر يرجع كسلا علي امل انو يلاقيها جاء لي امو قال ليها انا الاسبوع الجاي ماش كسلا امو قالت لي تاني كسلا 😱 قال ليها اي انتي ناسيه انو عندنا فرع هناك قالت لي ما ناسيه بس انت ماش لي الناس الهناك ماسكين الشغل وانت البضاعه بترسلها ليهم اول بي أول والقروش بنزلوها في حسابك مافي حاجه بتوديك وانا قلبي ما مطمن المره الفاتت عملت حادث ما معروف المره دي يحصل شنو

قال ليها ان شاء الله ما يحصل الا الخير مسك يديها سلم عليهم وباسها في راسها قال ليها انا محتاج دعواتك انتي بس والزول لازم كل مره يمر علي شغلو ويباشرو بي نفسو وانا ان شاء الله يومين وبرجع قالت لي خايفه عليك انت هنا جمبنا وقدام عيونا بس المشوار بعيد وانت لسه ما جبت عربيه ح تمشي بالمواصلات ؟ قال ليها لا بمشي بي عربيه مجاهد صاحبي ( مجاهد دا طبعا صاحبو شديد وبحكي لي اي حاجه عنو ) قالت لي البتشوفو يا ولدي انا ما بقدر امنعك قال ليها انتي بس ادعي لي ربنا يوفقني في مشواري واكيد ربنا ح يستجيب دعاك .. الايام عدت وكان بكره مسافر كسلا مشي لي مجاهد قال لي عايز العربيه ماش بيها كسلا بكره ماش اشوف الشغل ماش كيف هناك مجاهد قال لي ماش للشغل ولا ماش تشوف نسمه 😁 مؤيد حمر لي مسافه 😒قال لي اطلع لي من راسي عشان ما اشيل جزمتي دي اخبطك بيها في راسك العامل زي المكوه دا 😁 مجاهد قال لي والله تصدق اول مره القي لي راجل مجرساهو بت 😂😂 ياخ عليك الله ما تاخد العبره من اخوك راسي دا كلو محفر وبرضو ما بتجرس زيك انا عارفك انت لا ماش للشغل ولا حاجه ولو جادي ماش للشغل سوقني معاك مؤيد دفرو ساق العربيه وطلع ..