رنا ليهم جرس الباب قامت جات فتحت ليهم بت مؤيد بقي واقف في محلو متنح بعاين ليها البت جميله جمال شديد طبعا م شاء الله ❤ ابوها قال ليهو دي بتي سلم عليها مدا ليها يدو وحاسي بي نفسو ما قادر يتملك اعصابو سلم عليها ومشي مع ابوها علي الديوان ابوها بقي يتونس معاهو وهو سرحان في الموقف القبل شويه دا 😂 المهم قعد معاهم وجابو الغداء اتغدو وبقو يتونسو سواء قام حاج محمد اتصل علي ولدو قال ليهو تعال البيت معانا ضيف ولدو جاء سلم علي مؤيد وبقو يتونسو الولد اسمو نادر عمرو في عمر مؤيد زول حبوب وبشوش وعفوي بقي يتونس مع مؤيد زي الكأنو بعرفو ليهو سنين مؤيد اصلا بي طبيعتو بخش في الناس سريع شخصيتو مرحه واجتماعيه المهم بقو يتونسو منها تاني رقدو نامو تاني يوم الصباح مؤيد استحمي وغير ملابسو وطلع مع حاج محمد مشو الورشه قال لي حاج محمد انا لازم امشي المعرض وبعد تخلص العربيه بجي اسوقا حاج محمد قال ليهو امشي بس علي شرط تجي تبيت معانا في البيت مؤيد طلع فات المعرض وشاف الشغل ماشي كيف واداهم تعليمات انهم يمشو عليها اخر اليوم جاء راجع الورشه ورجعو البيت مشي خشه الديوان لقي ملابسو مغسله ومكويه ومبخره 😍 رفع ملابسو وهو مبتسم بقي بشم في ريحتهم حسي لي بي احساس حلو شديد عرف انو الملابس غسلتها البت الهو اصلا ما بعرف اسمها .. بس البت دي دخلت مزاجو ودخلت قلبو من غير كل البنات هو اصلا ما كان عندو علاقات سابقه وما حصل دخل في علاقه عاطفيه بس البت دي حركت دواخلو وسيطرت علي جميع حواسو بقي حاضن ملابسو عليهم وبشم في ريحتهم ❤ بقي حاضنهم عليهو مسافه كدا وسارح بي خيالو معاها 😍 بقول في نفسو بعد العربيه تخلص اكيد تاني مافي حاجه بتجيبني هنا طيب لو عايز اتكلم معاها اعمل شنو وادخل من وين وانا ما عارف مشاعرها ناحيتي شنو امكن يكون من طرف واحد جاء خاشي نادر لقاهو سرحان وبفكر قال لي شارد وين انت شكلك اتذكرت البلد 😁 قال ليهو لا والله البلد في راسي هسي مافي بس عندي مشاكل في المعرض نادر قال ليهو ياخ سيبك من الشغل وغيرو ارح نطلع غير جو شويه انت من الورشه
للمعرض للبيت مؤيد قال لي بكره العربيه ح تجهز وح ارجع مدني نادر قال ليهو ياخ انا والله ارتحت ليك وحاسي بيك اني بعرفك لي سنين طويله عشان كدا ما تتقطع مننا مؤيد قال لي قدام يا فرده نادر طلع خلي مؤيد قاعد قام شال ورقه كتب فيها ( انا ما عارف دي صدفه ولا حاجه مكتوبه لي بس من يوم شفتك وانا ما علي بعضي بس عايز اقول ليك حاجه واحده انا حبيتك اول ما شفتك بقيتي شاغله افكاري طول اليوم انا لا بعرفك ولا انتي بتعرفيني حتي اسمك انا ما بعرفو انا بكره مسافر راجع مدني لو قريتي المكتوب في الورقه دي خليك عارفه انك مسختي علي جميع البنات ما عارف دا مجرد اعجاب ولا شنو بالظبت بقيت ما قادر اركز وتفكيري مشتت لو لقيت فرصه عايز اقعد معاك ولو ما لقيت طريقه كدا انا ح امشي جسد بلا روح وخليك عارفه انو خليت قلبي هنا مؤيد ختا الورقه في جيب البنطلون علي اساس انو ح تجي تشيلو تغسلو
يتبع …
