روايـــة الحـيـاة الـزوجيــة – الجزء الثامن عشر

موضوع زي دا يخليك ترفض زواجو من بتك دا ما مبرر قال ليها يعني شنو قالت لي يعني حاسه انو الموضوع اكبر من كدا .. حاج محمد طلع مشي علي شغلو وهنا زوجتو ام نسمه الفار لعب في عبها يا ربي الحاصل شنو 🤔 مافي موضوع زي دا بفشل لي زواج اتزكرت ايام عرسها اتزكرت انو خطبها عن طريق الترشيح ( تقليدي ) ما كان في حب متبادل بيناتهم هي حبتو شديد وكان تعاملو معاها حلو ما شافت منو حاجه شينه بس ما كانت بتحس انو بميل ليها كتير اتزكرت ايام شهر العسل كان سارح طوالي وبالو بعيد اخر حاجه قالت انا اقفل الموضوع دا لما اشوف اخرو شنو .. دوام نسمه خلص ورجعت البيت لقت امها قاعده سلمت عليها اول ما سألتها .. سألتها قالت ليها عملتي شنو مع ابوي اتكلمتي معاهو قالت ليها اتكلمت بس من غير فايده نسمه قالت ليها كيف بدون فايده انا عايزه اعرف رافضو لي 😭 دا الوحيد الحبيتو امها قالت ليها ابوك قال لي في موضوع قديم بينو وبين ابو مؤيد نسمه قالت ليها موضوع شنو 😳وعلاقتو شنو بي مؤيد وبعرف ابو مؤيد من وين اصلا امها قالت ليها كانو شركاء زمان بس على حسب كلام ابوك انو ابو مؤيد غدر بي عشان كدا ما قادر ينسي او يسامح وقال راسو والف سيف لو يخت يدو في اهل الزول القدر بيهو زمان نسمه مشت علي غرفتها قفلتها عليها وبقت تبكي اتسرقت كل احلامها اتسرقت منها الضحكه في لحظه عاشت سنين معزبه علي امل انها تلاقي مؤيد وهو عاش اصعب ايامو علي امل انو يلاقيها كان في كل صلواتو بدعي ربنا انو يجمعو بيها ربنا استجاب واتلاقو بس اتلاقو في ظروف اكتر من انو نقول عليها صعبه شافت مستغبلها قدامو مظلم قفلت تلفونها وبقت قافله عليها غرفتها وميته من البكي 😭😭 بعد تلاته يوم فتحت تلفونها لقت مسجات كتيره من

مؤيد خشت الواتساب لقت الرسائل كلها خوف وقلق عليها حبت تطمنو رسلت لي رساله طمنتو انها كويسه طبعا مؤيد ما كان لاقي مبرر للبتعملو قام رسل ليها رساله فيها شكل وعتاب عايز افهم لي متغيره معاهو ولي قافله تلفونها ولي بترد علي بي برود الحصل شنو ولي دا كلو قامت اتصلت علي قالت لي انا وانت ما مكتوب نكون مع بعض 💔 قال ليها كدي براحه ومن غير توتر عيدي لي كلامك دا لاني تغريبا ما سامع 💔 قالت لي انا بحبك وبموت فيك والله ما حبيت غيرك في الدنيا دي انا بقول ليك الكلام دا وانا مكسوره وموجوعه من جواي بس حاول تفهمني قاطعها وقال ليها ممكن توريني حصل شنو وتاني ما عليك بالباقي قالت لي ابوي وابوك زمان كانو شركاء علي حسب كلام ابوي انو ابوك غدر بي وهو لما شاف خالتو عفاف ( ام مؤيد ) عرفها وعرف انك ولدها عشان كدا اتزكر القديم وانا عارفه ابوي لو قال كلام ما برجع فيهو مؤيد من غير ما يتكلم قفل الخط .. حاولت نسمه تتصل بيهو اكتر من مره بس هو كان برفض في المكالمه 💔 مؤيد مشي لي امو وعيونو شرار قال ليها عايز اسألك سؤال وتردي علي بي كل صراحه

وم تلفي وتدوري علي .. امو قالت لي بسم الله مالك جنيت من متين بتتكلم معاي كدا ومتين انا بلف وبدور قال ليها ابو نسمه بعرف ابوي من وين وعلاقتو بيهو شنو قالت لي هو قال بعرف ابوك .. ؟ مؤيد قال ليها اي وقال ظلمو زمان ولسه ما نسي عشان كدا واقف في زواجي من نسمه ام مؤيد اخدت نفس وسكتت مسافه قالت لي شوف يا ولدي محمد ما بعرف ابوك وما حصل شافو نهائي .. ابوك من ما قام شغال في المعرض بتاعو لا حصل ظلم زول ولا زول جاء شكي منو كان عايش طول حياتو نضيف كل الناس بتشهد لي بي كدا قال ليها طيب هو لي بقول عنو كدا يا امي انا حاسي انكم داسين علي حاجه وانا راجل البيت يعني ما شافع عشان كلمه تجيبني وكلمه توديني قالت لي انا بحكي ليك الحاصل كلو مع انو دي حاجات مرت عليها سنين بس عشان ما تشوه صورة ابوك انا بوريك الحاصل ..