روايـــة الحـيـاة الـزوجيــة – الجزء السابع عشر
قال ليها ما عايز نقاش في الموضوع دا انتهينا .. ✋ طلع ومشي خلاها غرقانه بالدموع .. مؤيد اتصل لي نسمه ردة عليهو عادي ما بينت لي انو في رفض من ابوها علي امل انو ابوها يتراجع من قرارو بس من طريقه كلامها معاهو حسه بيها انها ما طبيعيه حاول يتكلم معاها ويعرف بتتكلم معاهو من غير استجواب لي كان كلامو كلو حب ورومانسيه ونسة اي اتنين بحبو بعض وهو عارف وواثق من انو نسمه بتحبو بس هي اختصرت الكلام معاهو قالت لي معليش انا تعبانه ونعسانه عايزه انوم عشان انت عارف انو عندي مستشفي بكره 💔 قفلت منو الخط وبقت تبكي ما كان في حاجه في يدها تعملها امها جات خاشه لقتها عيونها غرقانه بالدموع قالت ليها سجمي يا بتي مالك بتبكي الحاصل شنو قالت ليها يا امي ابوي رافض مؤيد رفضو يا امي 😭😭😭😭😭😭😭😭 امها قالت ليها لي رفضو دا شكلو كويس وود ناس يعني ح يلقي زيو وين كدي ابوك دا خلي علي انا بعرف اتفاهم معاهو انتي قشي دموعك دي وارقدي نومي انا بكره الصباح بتكلم مع ابوك نسمه كلام امها شويه خفف عليها رسلت رساله لي مؤيد في الواتساب
كاتبه لي فيها انت عارفني انا بحبك قدر شنو عارف احساسي معاك كيف معليش لو كانت طريقه كلامي معاك بايخه بس انا مضغوطه شديد يا ريت ما تزعل من تصرفي معاك بحبك ❤ مؤيد قرا الرساله بس ما ردا عليها نسمه قفلت التلفون ونامت تاني يوم امها الصباح كانو بشربو في الشاي هي وراجلها محمد قالت لي نسمه امبارح قالت انك ما موافق علي مؤيد ممكن توريني سبب رفضك شنو قال ليها الولد دا ما مناسب ليها وانا متأكد انها ما ح تكون معاهو سعيده قالت لي دي حياتها وهي ادري بي مصلحتها البت متعلقه بيهو عليك الله ما تكسر بي خاطرها 💔 وانت ناسي انو قبل كدا جوها اتنين وهي كانت رافضه دا اختارتو هي خليها تعيش باقي حياتها معاهو الولد دا شكلو ود ناس ومن عيله ومحترم وهي لو ما لقت فيهو الصفات البتتمناها ما كانت اختارتو قال ليها الكلام دا منها هي بالنسبه لي قالت لي انت اسآل عنو لو لقيت واحد في الميه اداك عنو كلام سلبي اصرف نظر عن الموضوع وانا بقدر اقنعها بس ما تكسر قلبها قال ليها ما بسأل ولا عايز اعرف عنو حاجه قالت لي انت شكلك عارف عنو حاجه وانت ما عايز تكلمنا
اديني مبرر واحد اقدر اقيف معاك انت ما تفتكرني مغفله امبارح لما الناس ديل جونا لاحظت انك زي البتعرفهم حاج محمد نطط عيونو قال ليها اعرفهم من وين يعني هم من بلد ونحنا من بلد بقت بتعاين فيهو مسافه وبقت تلح معاهو بالكلام قال ليها الولد دا انا بعرف ابوهو زمان كان في بيني وبينو شغل زي ما تقولي شركه بس هو غدر بي في النهايه وبقت بينا حساسيه وصلنا فيها مرحله بعيده شديد قالت لي الكلام دا كان متين قال ليها تقريبا قبل 25 سنه مع انو الكلام ما دخل عليها وحاسه انو الموضوع اكبر من كدا بس قالت لي دي حاجه فاتت عليها سنين مؤيد وبتك زنبهم شنو في الحصل بينكم زمان قال ليها ما عايز حاجه تذكرني بالماضي قالت لي شوف كونو موضوع زي دا يخليك ترفض زواجو من بتك دا ما مبرر قال ليها يعني شنو قالت لي يعني حاسه انو الموضوع اكبر من كدا .
