امو قفلت التلفون وقالت لي موده انا ما بنتظر لما يجي ارح معاي نشمي لي قلبي ما مطمن عايزه اشوفو 😭😭 موده وامها مشو طوالي اجرو عربيه طلعو فاتو لي مؤيد الطريق اخد معاهم زي ساعتين كدا وصلو لقو مؤيد خرجو بس كان منتظر اجراءات المستشفي وتقرير الشرطه خصوصا انو كان بتاع البكس محجوز في القسم وكان سايق سكران وناس المرور لما جو ورسمو الحادث لقو الغلطان بتاع البكس بس مؤيد كان ليهو راي تاني قال ليهم الغلط مني انا ما كنت مركز وانا عافيهو حتي لو كان غلطان هو .. المهم امو واختو جو وحضنو عليهم الاتنين وبقو يبكو وهو كان بهدي فيهم قال ليهم انا هندا واقف قدامكم وما عندي حاجه انا كويس قام جاء واحد من الضباط شايل معاهو الشنطه بتاعه مؤيد قال ليهو دي الحاجه اللقيناها معاك ما كان في شي تاني مؤيد استلم الشنطه وساق امو واختو ورجعو مدني وصلو البيت ولسه مؤيد بفكر في الحصل ونسمه في كل دقيقه كان بتزكرها كانت صورتها ما بتفارقو نهائي فتح الشنطه عايز يشيل التلفون واتصل بيها بس اتفاجاءه بي انو التلفون ما موجود في الشنطه اتذكر انو تلفونو كان خاتيهو في طبلون العربيه وطبعا العربيه اتكسرت واتهرست هرس بقي ما منها نفع هنا فقد الامل والتلفون اكيد ح يكون اتهرس في الحادث بقي سرحان وبفكر فيها عايز اي طريقه توصلو ليها بس كيف 😥 شال ملابسو لقي فيهم ريحه نسمه كانت معطراهم ومبخراهم بقي حاضن عليهو الملابس مسافه وبشم فيهم حسي لي بي حاجه في جيب البنطلون دخل يدو لقاها ورقه فتحها لقي كاتبه لي فيها ( انا والله ما بعرفك بس صراحه من ما شفتك وقلبي بقي بدق بي صوره غريبه شديد حسيت جسمي ما شايلني انا ما عارفه اقول ليك شنو اقول ليك حبيتك او معجبه بيك وبي شخصيتك او نظراتك لي الما قادره تفارق عيوني طول الليل صراحه لما لقيت الورقه الكاتبه لي جاني شعور عظيم حاجه كدا اول مره اشعر بيها وعارفه انك مسافر بكره ما عارفه اقدر اصوف ليك شعوري كيف بالجد ملخبطه وجهجهت افكاري من اول يوم شفتك فيهو بتمني انو الزمن يجمعنا ونلقي فرصه اكتر واكبر من كدا ما عارفه اننا ح
نتقابل تاني او لا بس خليك عارف اني بعيش علي زكراك وعلي فكره ملابسك انا متأكده انك ما نسيتهم 😍 ودا الخلاني اضرب ليك ما تزعل مني اني ما قابلتك عشان اسلمك ليهم بي نفسي خليت الشغاله تسلمك ليهم عشان القي فرصه اشوفك واملي عيوني فيك وعايزه اعرف ردة فعلك شنو 😁 تصل بالسلامه ❤️❤️ ( نسمة ) ❤ ❤ .. قرا الرساله وبقي يتبسم نسي الالم الكان عندو نسي انو عمل حادث .. حقيقه الكلمه الحلوه وجبر الخاطر جواز سفر وهي البتكون موجوده ما ح تتنسي .
