روايـــة الحـيـاة الـزوجيــة – الجزء العاشر
كان معاهم اخ وابو وسند وكان صديق اخواتو كان دايما بحب يشاغلهم ويهاظر معاهم بس فجاءه اتغير وبقي ما مفهوم .. كانو قاعدين في الملاهي وعمرو راكب في الساقيه وموده ومؤيد بعاينو لي مبسوطين الجو كان حلو شديد موده عايزه تفتح موضوع العرس مع مؤيد قامو جو خاشين عرسان كدا شكلهم جداد قعدو في طربيزه وكانو بتونسو ويضحكو وعايشين احلي رومانسه والجو كان مساعد علي كدا 😍 موده عجبها المنظر بقت بتعاين فيهم وتبتسم طبعا مؤيد دا كلو ما شغال بيهو 😂 عاينت لي مؤيد لقتو ماسك تلفونو بلعب بيهو 😁 قالت لي شوف ما شاء الله ديل حلوين كيف وحياتهم حلوه كيف شكلو بحبها شديد 😍 مؤيد مركز مع التلفون طبعا قالت لي يا مؤيد انا بتكلم معاك خلي الفي يدك دا وركز معاي قال ليها انتي بتتكلمي معاي انا 😂 طبعا هنا اتغاظت قالت لي في معانا واحد تالت 😬 قال ليها معليش بس شغلتيني من لعبتي البلعب فيها دي قامت قلعت منو التلفون وقفلتو وختتو في شنتطها قال ليها في شنو يا موده قالت لي عجبوني العرسان ديل عاين ليهم شوفهم حلوين كيف قال ليها ربنا
يسعدهم بس انا دخلي فيهم شنو قالت لي انت ما فكرت تعرس مؤيد نطط عيونو وبقي بعاين فيها قالت لي مالك قال ليها لا مافي حاجه بس اول مره تتكلمي معاي في حاجه زي دي قالت لي يا مؤيد والله نفسنا نفرح بيك وعايزين نشوفك مبسوط انت عارف العرس دا حاجه حلوه شديد بالزات لما تلقي ليك واحده حلوه ومحترمه اكيد ح تغير حياتك كلها قال ليها يا موده انتي بتلفي وبدوري علي شنو تعالي من النهايه قالت لي عايزاك تعرس وتجيب لينا واحده في البيت تونس امك وتبقي ليها زي بتها انت عارف انا زوجي ح يجي وامشي منكم وميعاد لسه ما خلصت الجامعه كدا انت لما تطلع الشغل امي ح تكون براها قال ليها عندك لي عروس طبعا موده هنا فرحت وطارت من الفرح قالت كدا شكلو راسو جاء واكيد ما ح يلقي احسن واحلي من ندي قالت لي والله موجوده بس انت قول خير وخليك عارف انا ما عندي غيرك وخايفه عليك وانا متأكده انو اختياري ح يعجبك قال ليها اها منو قالت لي ندي قال
ليها ندي منو قالت لي ندي يا مؤيد بت عمو اسامه بت محترمه ومؤدبه وانا شايفاها كل ما تشوفك نظراتها ليك نظرات اعجاب 😍 البت دي شكلها بتحبك بس انت ما جايب خبر قام من كرسي جاء قعد جمبها قال ليها شوفي يا حبيبتي انا موضوع العرس وبرنامج زي دا في حساباتي حاليا مافي ولما اجي اخطب غير انتي ما عايز لي واحده تخطب لي وندي البتقولي فيها انتي دي البت دي شافعه قبل سنتين كانت بتجينا هنا مع امها شايله معاها مصاصه في خشمها ويدها ملانا من الاندومي والشبس انتي اكيد ما واعيه 😁 قالت لي انا ما واعيه يا مؤيد شكرا ليك دا عشان عايزاك تستقر وتكون عندك اسره وتلقي البهتم بيك 😥 مسكها من يدها وسلم عليها في راسها وقال ليها اسف بس انا صراحه كدا موضوع العرس دا في راسي مافي حاليا والحاجه التانيه الحاجه الوحيده المافيها اختيار الزواج يعني انا هسي لو جاني واحد قال عايز ميعاد اختي اكيد لو ما كانت ميعاد بتحبو وشايفه انو دا الزوج المناسب ليها اكيد ما ح اخليها تتزوج تتذكري انتي لما زوجك جاء طلب يدك من ابوي وانتي كنتي موافقه وابوي رفض ؟ قالت لي اي وانت وعتني انك ح تقيف معاي وفعلا وقفت معاي واتكلمت مع ابوي حتي حصلت بينكم مشكله بي سببي وفي النهايه اصريت انو العرس لازم يتم والحمد لله تمه قال ليها عشان كدا لما يجي وقتو انا بختار بي رغبتي وارادتي بس عليك الله تاني لو ما جيتكم براي قلت ليكم ارحكم معاي اخطب مافي زول فيكم يفتح لي الموضوع دا
