روايـــة الحـيـاة الـزوجيــة – الجزء الحادي عشر

عليك الله تاني لو ما جيتكم براي قلت ليكم ارحكم معاي اخطب مافي زول فيكم يفتح لي الموضوع دا .. من يومها تاني مافي زول فتح موضوع العرس مع مؤيد بقي برنامجو كلو يطلع من الصباح يمشي الشغل ويرجع متأخر يا داب يستحمي ويعملو لي الاكل ياكل ويدخل غرفتو طبعا ندي بتحبو شديد وكل يوم كانت بتقيف قريب من باب بيتهم بتشوفو لما يجي طالع الصباح بس ما كان مديها اعتبار ولا حتى بالغلط عاين فيها هي زاتها لما حست انو ما عندو مشاعر ليها صرفت نظر عن الموضوع لانو الحب من طرف واحد ما بنفع 💔 المهم مرت تلاته سنين من الزمن داك ولسه مؤيد قلبو متعلق بي نسمه شديد وما قادر يتجاوز الحاجه دي كل مره يقول ينساها ويعيش حياتو طبيعي بس بلقي مافي مجال في قلبو لي غيرها 💔 اليوم داك كان قاعد بتكلم مع العمال قام جاهو اتصال من رقم غريب رده عليهو لقاهو صوت راجل كبير قال لي انت مؤيد قال ليهو نعم منو معاي الراجل قال لي

الرقم دا اداني لي واحد عامل حادث جبناهو في المستشفي انا دكتور مراد مؤيد قاطعو قال لي مراد منو ومستشفي شنو ودا منو اصلا العامل حادث وعلاقتي انا بالموضوع شنو الدكتور قال لي العامل حادث دا واحد اسمو مجاهد مؤيد قال لي مجاهد 😳😳 عمل حادث متين وحصل ليهو شنو وانت وين الحاصل شنو الدكتور قال لي اهدا الزول دا كويس بس قال اكلمك انت اتكسرت رجلو بس حاليا كويس مؤيد قال لي في ياتو مستشفي الدكتور قال لي في الخرطوم في مستشفي شرق النيل مؤيد من محلو قبل يتم كلامو مع العمال طلع جاري علي العربيه طلع طوالي سافر الخرطوم اتصل علي موده كلمها قال ليها انا مسافر الخرطوم مجاهد عامل حادث كلمي امي عشان ما تقلق علي وبطمنكم بعد اصل 💔 مؤيد وصل دخل المستشفي لقي مؤيد نايم بقي قاعد جمبو بعاين فيهو قامت جات داخله ممرضه سالها الحصل شنو قالت لي والله انا ما عارفه حاجه الولد دا جابو امبارح بالليل هسي كويس وما تسألني اكتر من كدا قال ليها انتي شينه وما عندك اخلاق كمان 😁 قالت لي لو سمحت اتفضل برا بعد يصحي تعال شوفو مؤيد قال ليها انا ما بطلع

بقو يتناقشو الاتنين وصوتهم علا قامو الناس جو اتلمو فيهم جات واحده كدا تجوط قالت في شنو دي شنو الفوضي الحاصله دي الممرضه قالت ليها الولد دا ما عندو احترام قلت لي اطلع بقي يكورك وينبز فيني وانا ما بخلي قالت ليها وينو الولد الممرضه قالت ليها ياهو القاعد في الكرسي داك مؤيد كان لابس بنطلون جنز وقميص ابيض نص كم وجزمه سوداء البت مشت علي زهجانه قالت لي لو سمحت يا اخو دي هنا مستشفي ما زريبه والبدخل هنا بدخل بي احترام اتفضل برا ونحنا بنعرف شغلنا مؤيد رافع راسو بقي يعاين فيها مسافه كان لابس نظاره طلعها البت بقت متنحه بتعاين فيهو وهو بعاين ليها قال ليها انتي .. 😳😳😳😳😳😳😳😳