روايـــة الحـيـاة الـزوجيــة – الجزء الثامن

الولد قال ليهو انت عايز منو حاجه ؟ مؤيد قال ليهو شكرا ليك وطلع طوالي من محلو رجع مدني .. وما كان عندو نفس لي اي حاجه وصل البيت سلم علي امو واخواتو امو شافت وشو مخطوف وتعبان سألتو قالت لي مالك يا مؤيد في شنو قال ليها مافي حاجه قالت كيف مافي حاجه وانت وشك مخطوف كدا حصلت ليك مشكله في الشغل ؟ قال ليها انا كويس ما تشغلي بالك بس تعبان خاشي جوه انوم قالت لي طيب خش ارتاح مؤيد دخل غرفتو رقد اخد لي نومه كدا صحي زي الساعه 4 عصر مشي رجع العربيه لي مجاهد صاحبو .. مجاهد قال لي ان شاء الله لقيت الشغل ماش كويس 😁 مؤيد قال لي اطلع من راسي ما فاصي ليك انا 😒 قال ليهو شوف يا صاحبي البتعمل فيهو دا غلط كونك متغير من يوم ما حصل ليك الحادث

واختفي اي اثر لي نسمه وبعدها ترجع تاني كسلا وتفهم امك واخواتك انك ماش تشوف الشغل ماش كيف مع انو الشغل انت عارفو اول ب اول دا كلو عشان ماش بس تشوفها او تتكلم معاها مثلا ؟ مؤيد قال لي قصدك شنو انت بالكلام دا مجاهد قال لي قصدي انت عارفو ما تغش علي نفسك اكتر من كدا لو كانت بتحبك كان اتصلت عليك او حتي فتشت وراك وعرفت الحاصل عليك شنو وما تقول لي انا تلفوني اتكسر في الحادث وبتكون حاولت تتواصل معاك وكدا العايز يصل لي حاجه بصل ليها شوف انت عملت شنو عشان تصل ليها وفي النهايه رجعت بدون فايده مؤيد قال لي انا غلطان كوني احكي ليك اي حاجه عندي مجاهد قال لي انت عارف نفسك ما عندك صاحب اكتر مني ولا انا عندي غيرك نحنا مكملين بعض وانت عارف دا كويس انا بوعيك وبفتح عينيك علي حاجات انت ما شيفها عشان كدا عاين لي نفسك مؤيد قال لي انت اكتر واحد فاهمني وحاسي بالجواي وانت عارف كويس انا قبل كدا ما خشيت في علاقه مع بت وما عندي حاجه لي بت بس دي صراحه غيرت نظرتي ومفهومي بي طريقه غريبه انا اول مره اشوفها حسيت بي احساس ما حصل حسيتو في حياتي بقيت طول الوقت بفكر فيها بقي بالي مشغول بيها شديد انا ما عارف الانا فيهو دا شنو ونهايتو شنو بس بالجد حاسي انها الوحيده البقدر اعيش باقي حياتي معاها صاح الحب ما شكل او جسم

الحب حب الروح الحلوه الطيبه العفيفه وانا الحاجه دي حاسي بيها كل الصفات دي فيها انا يا مجاهد حتي لو فضل لي اخر نفس طالع مني بفضل افتش ليها حتي لو فضلت طول حياتي من غير زواج انا غير نسمه ما عايز ..