روايـــة الحـيـاة الـزوجيــة – الجزء السادس عشر

حاج محمد بقي مندهش وبعاين فيها قال ليها معقوله دي صدفه ولا حاجه مطبوخه بينكم .. حاج محمد بعد شاف ام مؤيد بقي متوتر وهي زاتها اتوترت بس حاولو يخلو الجو حلو مؤيد قال ليها بتعرفي ولا شنو امو قالت لي اعرفو من اول مره اشوفو رفعت راسها لقت حاج محمد بعاين فيها عاينت لي قام دنقر لما حسو بالناس بقت ساكته حاولو يكونو طبيعين قال ليهم شرفتونا والله بس يا مؤيد انا زعلان منك لي بعد ما سقت عربيتك مننا تاني ما جيت غاشينا قامت نسمه قالت لي انت عارف يا ابوي مؤيد عمل حادث وهو كان راجع من كسلا قال ليها انتي كنتي متواصلا معاهو قالت لي لا بس حكي لي يوم لاقاني في المستشفي مؤيد قال لي معليش يا عمو انا والله جيت تاني كسلا وجيتك في المحل بس وروني انك حولته شغلك الخرطوم وكنت كل ما اجي كسلا كنت بجي محلك علي امل انو القاق قامت امو قالت ليهم والله مؤيد دا من العملتو معاهو وكان ما عندو سيره غيركم حكي لي عنكم كتير وعن كرمك و شهامتك ورجالتك وقال لي عمو محمد دا كلمتو واحده وماب تراجع فيها وشخصيتو قويه شديد تصدق من كترت كلامو عنك كنت عايزه اجيكم زياره ☺️ حاج محمد بقي متوتر اكتر من الاول بعاين لي ام مؤيد بي طرف عينو 😁 ام نسمه قالت ليهم والله انتو ناس طيبين ونحنا يشرفنا نسبكم وقرابتكم .. اخدو ونستهم كدا وطلعو منهم طبعا مؤيد الدنيا ما شايلاهو من الفرحه اخيرا نسمه ح تبقي مرتي وحلالي ❤

اخيرا انا ونسمه ح يجمعنا بيت واحد ياخي انا ما قادر اصدق هم ماشين في الشارع مؤيد سرحان وصورتها كانت لسه في عيونو بقو يتنوسو هو وموده عاين لي امو لقاها بالها بعيد وسرحانه قال ليها شنو يا حاجه انتي ما معانا ولا شنو قالت لي انت البت دي لاقتك وين وعرفتها كيف قال ليها وشنو الخطبه القبيل دي مؤيد حكي لي عنكم وقال وقال .. وهي تجي تقول لي شفتها وين قالت لي طبعا لازم اقول كدا انت ماش تخطب ليك بت اكيد لازم اعلي من قدرك بس ما جاوبتني البت دي عرفتها كيف قال ليها مالها فيها عيب قالت لي الصراحه لا بت جميله وظاهر عليها محترمه بس لو كان عرست من اهلك ما كان اخير ليك قال ليها دا ما كان كلامك من الاول لما جيت قلت ليك عايز اخطب كنتي ح تطيري من الفرحه وقولتي لي نمشي هسي مالك جيتي قالبه كدا في حاجه يامي ؟ امو سكتت مسافه قال ليها في شنو داسنو مني وانا ما عارفو قالت لي ح ادس منك شنو يعني قال ليها لاحظت ليك قبيل لما حاج محمد جاء داخل وشك قلب زي الكأنك بتعرفي قالت لي ما بعرفو والموضوع دا اقفلو ومبروك مقدما 💔

بقي ساكت وبفكر مؤيد حسه انو في حاجه ما طبيعيه في الموضوع دا بس هي شنو ويعرفها كيف .. وصلو البيت اي واحد فيهم مشي علي غرفتو .. حاج محمد جاء لي نسمه قال ليها الموضوع دا اصرفي نظر عنو قالت لي كيف ولي حصل شنو 😭 قال ليها من غير لي الولد دا انا ما موافق عليهو قالت لي ممكن توريني السبب قال ليها انتي قبل كدا جوك عريسين وانتي رفضتيهم بي مزاجك صاح قالت لي الاتنين ما مناسبين لي قال ليها برضو مؤيد ما مناسب ليك قالت لي يا ابوي طيب فهمني رافضو لي عيبو شنو قال ليها ما عايز نقاش في الموضوع دا انتهينا .. ✋ طلع ومشي خلاها غرقانه بالدموع ..