روايـــة الحـيـاة الـزوجيــة – الجزء الخامس عشر

حتى لو ربنا ما كاتب لينا نصيب نكون مع بعض بعيش علي زكراك لانو ما خليتي مجال لي غيرك .. نسمه بقت تعاين في عيونو قالت لي انا افتكرتك لما مشيت مننا نسيت اي حاجه الكان مثبت لي اكتر رقمي كان عندك حتي بعد الحصل دا لي ما جيت تسأل عني 😥 انت عارفني كنت عايشه كيف ؟ عارف النار الكانت جواي ؟ انا من اول يوم شفتك فيهو حسيت اني كنت بعرفك من سنين كنت شايفه فيك صفات ما شفتها في زول قبليك انا يا مؤيد اتخطبت مرتين وفسخت الخطوبه من غير سبب حتي ابوي شاكلني لاني ما كان عندي سبب افسخ بي الخطوبه بس قلبي كان متعلق بيك وللان متعلق بيك 💔 قال ليها يا نسمه انا وانتي الدنيا ظلمتنا كتير وعشنا اصعب ايامنا كفايه كدا عايز اعيش الباقي من عمري معاك لو موافقه انا ممكن بكره اجيب اهلي واجي اخطبك قالت لي بكره 😳 لالا انتظر شويه خليني اتكلم مع ابوي اول قال ليها نادر اخوك خبرو شنو رقمي كان عندو بس كل شي انتهي في لحظه عاين ليها لقاها بتبكي قال ليها في شنو قالت لي نادر تعيش انت قال ليها مات 😳 متين وكيف قالت لي ما مهم كيف او متين المهم انو مات 😳 ما بتتخيل كميه الالم الكان جواي نادر دا كان موش اخ وبس دا كان بالنسبه لي دنيا كامله خلا فيني فراغ مهما عشت ما بقدر اسدو 😭 مؤيد بقي يخفف عليها ويعتزر ليها قال ليها معليش كلنا ح يجي يوم ونكون مكانو الرسول عليه الصلاه والسلام تحت التراب واخوك غالي علينا بس م غالي على ربنا .. المهم اخدو ونستهم كدا واي واحد مشي علي محلو مؤيد طبعا كان مبسوط شديد كونو بعد السنين الفاتت دي كلها يلاقي حبيبتو .. تاني يوم رجع مدني وظاهر علي انو مبسوط حتى امو واخواتو لاحظو لي جاتو موده قالت لي شايفاك الليله مزاجك عالي ورايق ممكن تحكي لي اختك وتفرحني معاك قال ليها انتي مش كنتي عايزاني اتزوج قالت لي اخيرا 😳 ياخ دا يوم حقو يتسجل في التاريخ اخيرا ح تتزوج اها امشي اخطبها

ليك قال ليها تخطبي لي منو قالت لي اكيد ندي مش انا كلمتك بيها وزي ما قلت ليك انها بت ناس وما ح تلقي احسن منها قال ليها موضوع ندي دا ما تفتحي معاي البت دي ما اكتر من اخت بالنسبه لي قالت لي طيب عايز تخطب منو قال ليها نسمه قالت لي نسمه منو قال ليها اصلا ما بتعرفيها البت دي انا اصلا جمعتني بيها صدفه وكانت احلي صدفه والله 😍 قالت لي بتعرفها كويس علي فكره ما كل واحده بتعجب تنفع انها تكون زوجه قال ليها انا راجل وعارف اني بعمل في شنو تمام بس انتي جهزي نفسك عشان ح تمشو معاي انتي وامي قالت لي ساكنه وين هي قال ليها ساكنه الخرطوم بحري بس هم اصلا من كسلا قالت لي البتشوفو علي العموم انا عايزه اشوفك مبسوط ربنا يسعدك موده مشت كلمت امها فرحت شديد طبعا قالت لي اي محل بنمش معاهو طالا ما اختارها براهو ما ح نقيف في وشو .. نسمه كلمت ابوها انو مؤيد جاي يخطبها قال ليها مؤيد دا منو قالت لي علي فكره انت بتعرفو قال ليها من كسلا ولا الخرطوم هنا قالت لي لا هو من مدني بس لو بتتذكر ايامنا لما كنا في كسلا قبل نجي الخرطوم الولد الكان قاعد معانا

يومين في البيت الكانت عربيتو متعطله في الورشه بتاعتك قال ليها ايوه ايوه اتذكرتو انتو كنتو متواصلين ولا شنو وانتي علاقتك بيهو شنو قالت لي الولد دا لاقاني في المستشفي صدفه وصراحه شايفاهو هو المناسب لي قال ليها الصراحه الولد دا ايامو المعانا ظاهر عليهو ود ناس ومحترم طالا ما جاء بالباب وانتي عايزاهو انا ما عندي مشكله خلي يجيب اهلو ويجي قامو حددو يوم ومشي مؤيد وموده وامهم نظام تعارف كدا لقوهم قاعدين بس ابوهم كان برا اتصلو عليهو قال ليهم جاي بقو يتونسو سواء امو قالت لي نسمه تعالي اقعدي جمبي جات قعدت جمبها قالت ليها ما شاء الله عيني عليك بارده دا شنو حلاوه وجمال ربنا يحفظك يا بتي من عيون الناس 😍 موده قالت ليها تصدقي مؤيد اخوي دا زوقو حلو في اي حاجه بس ما كنت عارفه انو زوقو احلي بي كتير لما اختارك انتي والله جد عرف اختار ❤ اثناء ما هم بتكلمو قام ابوهم جاء خاشي سلم عليهم طبعا ام مؤيد كانت مشغوله بتتونس مع نسمه لما جاء يسلم عليها مدا ليها يدو قامت عاينت لي قالت لي انت 😳 حاج محمد بقي مندهش وبعاين فيها قال ليها معقوله دي صدفه ولا حاجه مطبوخه بينكم ..